Muludiki munene wa malu a mpetu (IGF), Jules Alingete uvua muakidila Dénis Kambayi uvua ministre wa malu a manaya mu biro biende bia mudimu mu Ditanu dia matuku tshitema ngondo wa tshimungu wa mashika.
Luendu elu ludi luleja mudi Mfumu wa « Kasaï munene » mu mvita idibu baluangana bua dikosa dia mishiku ne dinyanga dia makuta a mbulamatadi, mukenji udi IGF ulondolola kukadi bidimu binayi. Denis Kambayi wakaleja mushinga wa kukankamija Jules Alingete mu malu adiye wenza, bua yeye kumvua dikuatshisha dia bena Congo bonso.
Mvua muangate dipangadika dia kulua kuitaba Kudibikila edi bua diakalenga dia ditunga
Mu tshisangilu etshi, Jules Alingete uvua mupeta dimanyia mu luapolo lua IGF mu mushindu udibu balombola bintu bia mushinga mu tshitupa tshia Kasai munene ne Grand Katanga.
Wakamba muvuaye uditatshisha bua malu avuaye ubikila ne: « bimanyinu bia malu mabi » avua enzeka mu Biro bia Sénat.
Mpindyewu , IGF udi wenza anketa bua kumanye mushindu kayi uvuabu biro bia Sena bishale benze mudimu ne makuta avuabu bapeshe bua ngondo muisatu, muinayi ne mu ngondo muitangu.
Mvita idibu baluisha mu dikosa dia mishiku kudi IGF idi ilomba bena base bena mu ditunga dia Congo bonso bua kunanga ditunga diabu mu difuta mikanda ya Mbulamatadi.
Gloire Kabongo
