Bualu buadikema buenzeka !!!! Mu Tshikondo kapanda, Mills Tshibangu, mumanyishi wa malu a dikebulula, uvua mulongolole muyuki mushime ne bamanyishi ba Malu a ngumu mimpe ku nzubu yende mu Kinshasa.
Mills Tshibangu udi mupatula bipeta bia makebulula avuaye muenze mu tshilumbu tshia mine ya lithium ya Manono mu provense wa Tanganyika.
Udi wamba ne: dolare miliyo 20 ivuabu bateke mu konte kampanda bua bilumbu bivua pankatshi pa banayi (DATOMIE ne ABZ) ivua mijimine mu banke.
Ndi ne bijadiki ne mêna a bantu bonso bavua bapete ndambu wa makuta avuabu banyenge , ke tshiakambilaye bena tshiamu tshia ngumu.
Bua bantu bonso badibu bapeshe makuta aa, mbimpe nuenu bonso nuye ku kabadi bua kudilengeja kumpala kua meme kutela mêna enu. »
Muntu uvua ulombola tshibilu etshi wakamba ne: makuta avuabu banyenge aa bavua baapingaja bua kufuta bamfumu ba mbulamatadi bintu biabu, bu mudi ba-ministre, ba- conseillers ne ba-inspecteur général bavua balombola midimu ya mbulamatadi.
Tudi ne bua kujadika ne Mills Tshibangu wakakuatshibua kunyima kua pakapatukaye ku tshiibi tshivuaye ulombola ne bilondeshele balunda bende Badi bajadika ne Mills tshibangu udi mukuatshibue Kudi pambulushi ne kumutumabu ku biro bia bampulushi bia Mbata , mu tshimenga tshia Bandalungwa, nansha muvuabu kabayi banji kumanya malu adibu bamubanda nawu.
Mukunange wa Bantu
