Mopanzi sango ya bolukiluki Mills Tshibangu, ayebani mpo na bobimisi na ye ya makasi, abongisaki bokutani na bapanzi sango mokolo ya ntuku mibale na misato ya sanza ya zomi na moko ya ba bandaku na ye na Kisasa, liboso ya bapanzi-sango.
Mills Tshibangu abimisi mbano ya bolukiluki na ye mpo na bitumba biye bizali zinga zinga ya botimoli lithium ya Manono, na etuka ya Tanganyika.
Kolanda ye, mbongo ba milio ntuku mibale ya ba dolar efutamaki na compte d’escrow, nsima na matata kati na ba actionnaires mibale (DATOMIE mpe ABZ), elimwaki na ndaku ya misolo
Ayebisaki bapanzi-nsango ete: “Nazali na bilembeteli mpe bankombo ya bato nyonso oyo bazwaki ndambo ya mbongo yango oyo bapesaki bango mabe.”
Mpo na kokoba:
“Mpo na baoyo nyonso bazwaki mbongo oyo, ekozala malamu ete bókende na bosembo mpo na koyambola liboso ete natánga bankombo na bino. »
Kolanda moyambi ya bokutani na bapanzi sango, mbongo eye ya mabe ekosalelama mpo na bakonzi ya kanyaka, kati na basusu : bakondo, bapesi toli mpe ba inspecteur, bakambi ya misala.
Toyeba ete Mills Tshibangu akangamaki na suka ya bokutani na bapanzi sango oyo azalaki koyamba mpe, kolanda bandeko na ye, bakomema ye na ba ndaku ya lapolisi « Mbata », oyo ezali na etuka ya Bandalungwa, ata ba faits oyo bafundami na yango kosala te eyebani naino te.
Caleb Makedika
