Lieutenant général Constant Ndima Katuena tuenza ngendu mu Nord-Kivu to
Mu dia matuku dikumi ni muanda mutekete ngondo muisatu wa 2023, Ndima Kongba Constant, mfumu munene wa basalayi wakangata mudimu wa kulombola midimu ya basalayi mu Nord-Kivu.
Constant Ndima nguvena wa Nord-Kivu katshia ku diteka dia dikandika mu ngondo wa muitanu wa 2021, wakamba ne « tshiena ngenza ngendu » mu provense eu udi ne bintu bia mushinga mukole ne wakavuluija ne: mudimu wende ngua kujadikulula ditalala, nangananga mu tshikondo etshi tshia mvita ne ditunga dia Rwanda didi dikuatshisha tshiluilu tshia M23.
Muena mudimu mu Nord-Kivu, katuena mu luendu to, tudi balue bua kukumbaja mudimu udi munene wa basalayi ne bamfumu betu batupeshe « , ke muvua général Constant Ndima muambe.
Wakela mulombodi Félix Tshisekedi tuasakidila ne mulaye bua kukumbaja mudimu wende ne lulamatu.
Ndi ngela mulombodi munene wa tshiluilu tshia Congo ne wa bampulushi ba ditunga dia Congo tuasakidila bua ditabuja didiye mumpeshe ne ndi mumulaye bu mulombodi wanyi munene bua kuenza mudimu wonso udiye mumpeshe ne lulamatu. Tuetu bonso netuikale pabuipi nende, bua kuandamuna dilomba dia bantu betu bua kubapesha ditalala didibu bindile bikole ».
Nunku Constant Ndima udi upingana kabidi ku bukokeshi bua kamulekela ngondo mikese kumpala bua General Mbangu Marcel upingana ku nzubu wende munene wa basalayi mu Kisangani mu tshitupa tshia tshisatu tshia bukubi.
Mudimu mukole udi kumpala kua Constant Ndima udi wa kuluangana ne bantomboji ba M23 badibu batua nyama ku mikolo kudi ditunga dia Rwanda, badi bakuate misoko ne bimenga binene bia Rutshuru, Nyiragongo ne Masisi.
Shekinah Gloire Kabongo
