Kunyima kua Dieudonné Kamuleta, Elie-Leon Ndomba Kabeya, mulombodi wa kumpala wa Kabadi ka Kabadi kakulu wa ditunga udi upeta karte kende ka bumanyishi mu Ditanu dia 26/04/2024.
Elie-Leon Ndomba kabeya wakela mulombodi wa ditunga dia RDC Félix Tshisekedi kalumbandi bua muvuaye mupeshe bena Congo mushindu wa kupeta karte ka bumuntu panyima pa bidimu 30.
Ndi ne disanka ne ndi ngela Mfumu Felix Tshisekedi Tshilobo kalumbandi bua mudiye muanyishile bena Congo bua kuikala ne karte ka bumuntu panyima pa bidimu 30. Lelu tudi ne disanka dia kudimanyisha ne kuamba ne tudi bena congo. Muena congo yonso neikale ne nimero wende wa bumanyishi.
Tudi ne bua kuakula ne: mudimu wa dijadika bantu udi muenzeka mu dia 1 ngondo muisambombo ne mu tshitupa tshiawu tshia ntuadijilu, udi mua kuenzeka anu mu bimenga binayi bia mu Kinshasa, mmumue ne: mu Bandalungwa, Limete, Lingwala ne Nsele.
Shekinah Gloire Kabongo
