mu dia abidi dia ngondo muanda mukulu wa 2024 mu tshimenga tshia Kisangani , Patrick Muyaya KATEMBWE mfumu wa Malu a ngumu mu ditunga Dia Congo wa mungalata Waka tuadija kampanyi ka » bonso bua ditunga ».
Mu tshisangilu tshiakenzeka mu tshilongelu tshia Iniversite wa Kisangani mu dia isatu dia ngondo mukulu , bantu banayi ba mu mbulamatadi wa Suminwa bakumvuija dilongesha edi kudi balongi ba mu iniversite ne mu tulasa tua iniversite tua mu tshitupa etshi.
Patrick MUYAYA, mulombodi wa malu a ngumu wakumvuija ne kampanye aka kadi ne tshipatshila tshia kuambila bansonga nebadi ne bua kuditua mu malu a ditunga ene kuumvua bimpe.
Tuvua tuenza bua balongi bamanye bualu ebu, bualu budi bututangila tuetu bonso. Bualu ebu kabuena anu bua Mfumu wa ditunga anyi bua mbulamatadi wende to, kadi mbualu budi butusangisha tuetu bonso, nangananga mu tshimenga tshidi tshinyanguke kudi mvita. Lelu, mbimpe kutua tshiluilu tshietu nyama ku mikolo mu malu adibu benza bua kutshimunangana, bua tshikale mua kutulama ne kukuba buobumue bua ditunga.
Udi wamba kabidi ne: tudiomba tudi ne mudimu munene mu mudimu eu.
Mfumu wa ditunga wakaleja kabidi ne: katshia ku 1885, ditunga dia République démocratique du Congo didi ditunga didibu banange bikole ne badi batshiluisha.
Léopold II wakashipa bena Congo miliyo 10 bua kuangata tshiamu tshia caoutchouc bua kuibaka ditunga dia Belgique. Katshia mu 1960, bavua baluisha ditunga dia Congo misangu yonso bua kuangata bintu bia bena Congo. Kadi bena Congo kabakateketa mu mikolo to. Ke bualu kayi tudi anu tujula ditunga dijima. Tshia kumpala, udi ne bua kukuba buloba buende. Nansha bantu badi muaba eu lelu bunbukila mu matunga abatoke, nebalue bua kulama ditunga anyi? Kabakuenza bualu nuenu ne tuetu tudi muaba eu to.ke mudi ministre MUYAYA muambile balongi.
Tumanye ne: tshipatshila tshia tshisangilu etshi tshivua mu UNIKIS tshivua tshia kutokesha lungenyi lua bansonga ne kubamanyisha dijinga dia kudifila ne kujingulula malu adi atangila ditunga.
Kampanye ka « Bonso bua ditunga » kadi kalomba bena Kongo bonso bua kuikalabu mu buobumue bua kulama ditalala ne ditalala dia ditunga.
Shekinah gloire Kabongo
