Mukelenge wa malu a ngumu mu ditunga dia Congo wa mungalata Patrick MUYAYA, wakabulula lumingu lua filme wa bena Chine mu studio wa Maman Angebi wa televizion wa ditunga dia Congo (RTNC) mu, dia Matuku atangu ngondo muibidi 2024.
Tshibilu etshi tshivua ne tshiena-bualu tshia ne: « Bulunda bua bena Chine ne bena Congo: ngikadilu ya muomumue, matuku atshilualua a muomumue » ne tshienzeke mu dia atangu too ne dia Matuku dikumi ni umue ngondo wa muanda mukulu ku televizion wa RTNC.
Ba mfumu banene ba mu ditunga dia Congo bavua babuele mu tshibilu etshi, bu mudi: Yolande ELEBE, ministre wa malu a bilele, a manaya ne a bintu bia kale, Didier M PAMBIA, ministre wa mudimu dikumbula benyi, ne Eugénie TSHIELA, ministre muambuluishi wa malu a munda mua ditunga.
Ambassadeur wa Chine mu RDC, Zhao BIN, wakaleja mushinga udi nawu tshibilu etshi bua kukolesha malanda adi pankatshi pa Chine ne RDC, bua kuleja Kabidi mushinga udi nawu matunga abidi aa.
Mu muyuki wende, Patrick MUYAYA wakavuluka mêyi abanssadeur wa ditunga dia Chine adi atangila dinanga dia ditunga, buobumue, bunême ne bansonga.
Wakakankamija bantu bavuabu balongeshe bua kulonga malu a bungi adi atangila bibidilu bia bena Chine ku diambuluisha dia filme.
Tshiakupua dituku dia makumi Abidi ni itangu ngondo muitangu wa 2023 muoyo nansha kakese, dituku dituvua baye ku tshimanuende wa bukalenge.
Udi ujadika ne: filme eu mmutuambuluishe bua kumuna bintu bimpa bia mu ditunga dia chine
Tshikebelu etshi tshidi tshiambuluisha bena mu ditunga dia Congo bua kumona bintu bia bungi bia mu Chine bidi bisankisha benyi.Udi mushindike ne tudi badisuike bua kulama ngikadilu ne bibidilu bietu bia bena Congo bimpa, ne bua kuibaka ditunga dimpe didi ne mushindu wa bungi wa dikumbula benyi »
wakatungunuka ne
Tudi ne bua kuvuluka ne lumingu elu lua filme wa bena Chine ludi lufumina ku dienza Dia mudimu wa bumue bua malu a tshididi pankatshi pa RTNC ne tshisumbu tshia bena Chine mu tshipatshila tshia kukumbaja dijinga divua mfumu wa ditunga dia Congo Félix Tshisekedi muambe ne mulombodi wa ditunga dia Chine Xi Jinping mu ngondo muisambombo wa 2023 mu tshimenga tshia Beijing.
Tshitupa tshia kumpala tshia filme wa » Kulala kua bena Chine » tshiakapatuka mu studio wa Maman Angebi mu Ditanu dia 5 dia ngondo muisambombo bua kutuadija Tshibilu tshia Lumingu lua filme wa bena Chine.
Biena-bualu bikuabu bibidi nebituadije kupatula mu tshikondo tshia mpungilu eu. Filme mikuabu bu mudi: « Mon pays et mes parents » ne « La montagne nuageuse » neyisankishe kabidi miliyo ya bateleji ba RTNC pa buloba bujima.
tujadike ne tshikebelu etshi ki ntshienza anu bua kutangalaja filme ya bena Chine to, kadi tshidi tshikolesha kabidi bulunda ne diumvuangana pankatshi pa bena Chine ne bena RDC, ne tshidi tshiambuluisha bena mu ditunga dia Congo bua kumanya malu a bungi adi atangila bibidilu bia bena Chine.
Shekinah gloire Kabongo
