RDC: Patrick Muyaya udi usakidila bua mudimu udi ne bua kuenzeka bua kumanya tshidi tshifumina ku dikenga dia mu RDC.
Patrick Muyaya, ministre wa Malu a kumanyishangana ne a bikandakanda, wakenza muyuki ne mulombodi wa Malu a matunga makuabu Christophe Lutundula, ku televizion wa ditunga dia congo mudimue dia matuku dikumi ni isatu ngondo muisatu, bua kuakula mushindu udi malu enda kumpala mu ditunga dia congo. Muyaya wakaleja mushinga wa kujadika ne: malu malelela adi mu mukanda munene wa malu a kale bua kujadika malu onso avua menzeke bua kumanya ntuadijilu wa lutatu mu ditunga dia congo.
« Tudi tupeta tshitupa tshietu, etshi ke bumpianyi buetu. Bualu ebu kabuena bupatula bujitu bua bena matunga a pa buloba bujima nansha kakese, bualu difika dia bena tshimuangi ba mu Rwanda ke didi dipeteshe ditunga dia Congo ntatu ».
Bua mbulamatadi wa ditunga dia Congo, tshilumbu tshia bukubi tshia ku est kua ditunga dia RDC katshiena ne mushinga lelu bu kumpala to.
« Lelu bena Kongo badi ne bua kuikala bashindike ne: katshia tshilumbu tshia bukubi didi ku bukokeshi bua Tshisekedi, tudi bumvue ne tuetu ke ba kumpala bua kujikija ntatu yetu », ke muvuaye mujadike.
Shekinah Gloire Kabongo
