Mulombodi munene wa malu a mpetu (IGF), Jules Alingete, uvua muakule matuku mashale aa bua kuakula ne bena mu ditunga dia Congo ne bantu bavua benza malu mabi a mfranga. Mu muyuki wende, wakimanyina pa bulelela bua malu avua IGF mufunde, wamba ne:
« Bituikala bapatula bualu kampanda, nuitabe ne: mbulelela, bualu tudi tuamba anu bulelela ».
Alingete wakela patoke dikalaku dia tshisumbu tshia bantu babi ba malu a mpetu badi kabayi mua kushintuluka badi, nansha mudi Mfumu wa ditunga ubalomba bua kuenza mudimu bimpe, batungunuka ne kuiba bintu bia mbulamatadi.
Wakamba ne bantu aba, padibu babakuata kudi IGF, badi batuma bantu bua kunyanga lumu lua Mfumu wa ditunga mu bikandakanda. Wakamba ne: « Kanuyi kulonde bantu aba to ».
L IGF wakajadika kabidi dipangadika diandi dia kulumbuluisha ne kukuata bena tshibawu aba bilondeshile mikenji ya Mfumu wa ditunga
. » Netutungunuke ne kuenza mudimu bua kubakuata ne kubabuesha mu buloko bu mutu Mfumu wa ditunga utulomba misangu yonso bua kuenza mudimu wetu » , ke mudiye wamba.
muyuki eu udi bu tshipeta tshikuabu mu mvita idibu baluisha dikosa dia mishiku ne dienza malu mabi ne makuta mu ditunga dia Congo ne udi uleja mudi IGF mudisuike bua kulengeja makuta a mbulamatadi ne kukuba bintu bia mbulamatadi.
Kabongo gloire
