Dilua dia ministre mupiamupia wa malu a mpetu Doudou Fwamba didi dileja dishintuluka dinene mu ditunga dia RD Congo. Katshia wangata mudimu eu, udi udienzeja bua kuakaja tshimfuanyi tshia mbulamatadi.
Udi uleja ne: mbulamatadi ke udi ne bua kuangata mapangadika a bungi, ki mbilumbu bia malu a tshididi to. Muena mudimu eu udi ne dimanya dia bungi ne mmumanye mudibi ne mushinga bua kubueja mbulamatadi mu dipangadika dionso dinene. Malu adibu benza lelu aa, nansha mudiwu mapiamapia bua bamue bantu, akatuadija mu 2010 ne tshipatshila tshia kuakaja malu a mpetu a mbulamatadi.
Ministre Doudou Fwamba Likunde Li-botayi, udi mu mudimu eu katshia ku 2011 ni udi utungunuka ne mudimu eu. Udi wamba ne: mudimu wa COREF udi ne mushinga wa bungi, ne kasumbu ka nene ka Malu a bitadi (DGI) udi wenza mudimu wa bungi mu malu adibu balengeja bu mudi difuta dia bitadi.
Udi wamba ne: mushindu wa kale wa bena tshididi kulombola mbulamatadi udi ne bua kujika. Muena mudimu eu udi ulomba bua kufila mushindu mupiamupia wa kumona mudimu wa mbulamatadi: muntu yonso udi ne bua kuikala ku mutu kua malu adi mbulamatadi wenza.
Mushindu eu udi utuma mbulamatadi ku dienza mudimu bimpe ne ku dienza dia malu adibu benza aleje malu adi enzeka pa buloba.
Padiye uteka mbulamatadi pa muaba wa kumpala, udi upingajila mbulamatadi lumu luvuaye nalu kumpala, ujadika ne: malu adiye wenza ne a bantu adi enda atungunuka ne kuenzeka bimpe. Dikudimuka dia malu edi, dienza kudi Mfumu wa ditunga Félix-Antoine Tshisekedi Tshilombo, didi dileja mbulamatadi muimpe ne udi ukumbaja majinga a bena Congo.
Mu mushindu eu, ministre udi utekemena bua kujadika ne: mbulamatadi udi unemeka bantu bonso ne udi ujadika dimanya diabu, bualu ebu budi ne mushinga wa bungi bua kutantamena ntatu ya lelu ne ya matuku atshilualua mu ditunga dia RD Congo.
Kabongo gloire
