Tshibilu tshia difila ne diangata bukokeshi tshiakenzeka kumpala kua Sekretere munene wa mbulamatadi ne wa malu a mikenji wa Mfumu wa ditunga. Mu tshibilu etshi, ministre Mutamba wakaleja mudiye mudisuike bua kufila bukokeshi buende ku bumfumu bua bantu bonso bua kupingaja buakane mu ditunga dia République démocratique du Congo.
Wakamba kabidi ne: bavua ne bua kuibaka buloko bua bivi bua kuakaja malu a bukubi ne kulama bena mu ditunga ku buenzavi. Mutamba wakaleja dianyisha diende kudi Rose Mutombo, ministre wa kale, bua mushindu uvuaye muenze bua kulama ditalala pankatshi pende ne bena mudimu ne balombodi ba mbulamatadi wa buakane.
Wakumvuija kabidi muvuaye musue kulama nsombelu muimpe eu wa ku mudimu, bua kufilabu buakane ne bua bantu bonso ba mu ditunga dia Congo bapete mushindu wa kulumbulula. Muanda munene wa bena mbulamatadi wa mu ditunga dia Congo udi ne bua kuakaja mushindu wa kulumbuluisha ne kujadika ne: badi bakuba manême a bantu ne baluisha dibenga kunyoka dia bantu mu ditunga edi.
Shekinah Gloria Kabongo
