Jules Alingete, muntu munene munda mua ditunga dia Congo uvua muleje mu matuku mashale aa mudiye mudifile bikole bua kulongesha bana ba mu tshimenga etshi.
Mu tshibilu tshiakenzeka mu tshilongelu tshia Bana tshia MAINDOMBE wa mu MATETE mudia matuku dikumi ni umue ngondo wa tshitema 2024.
Alingete wakamanyisha ne: bavua bapeshe balongi bintu bia kulonga nabi.
« Tudi balue bua kupesha balongi 1800 ba mu tshilongelu tshia MAINDOMBE mu MATETE mikanda ya bifundilu 14 000,1850 bibuta, bike14 000, mabuki a mpemba150 ne biamu bia mabeji 100 », yeye kuamba ne lutambishi luonso.
Tshienzedi etshi tshidi tshiambuluisha bana bua kulonga bimpe ne kubapesha bintu bidibu nabi dijinga bua kupeta diakalenga. Pashishe, Alingete wakangata mpunga eu bua kumanyisha mudimu munene:
« Tuetu tudi tubanga kuibaka kalasa ka bana ba( maternelle )MAINDOMBE mu lumingu ludi lulua bualu tudi ne kalasa ka kumpala ne tudi basue kuikala ne kalasa ka bana batekete ». Mudimu eu udi uleja mmuenenu wende wa matuku a bungi bua dilongesha bana batekete, ubapesha muaba wa kulonga ku buana buabu.
Alingete wakaleja kabidi mudibu benza mudimu pamue ne tshimenga bua kutangalaja bualu ebu mu tulasa tukuabu:
« Pamue ne tshimenga, netuenze kabidi tshibilu tshibidi tshia difila bintu bia kalasa mu tulasa tua Barumbu mu Matete ».
Udi wamba kabidi ne:« Tudi tuenza bionso ebi bua kuambuluisha bana betu bua kulonga mu nsombelu muimpe bualu tudi batuishibue ne: munkatshi mua bana betu mudi bena mudimu ba IFG, badi balombodi ba mbulamatadi, ne tudi ne bua kubambuluisha bimpe menemene, » yeye kujikija, ne kuakula bua mushinga wa kukuatshisha balombodi ba matuku atshilualua ba ditunga.
Ku diambuluisha dia malu aa, Jules Alingete udi uleja mudiye mulamate bikole ku tulasa tua Bana ne diakalenga dia bana ba mu Matete, ne mu mushindu eu udi ulombola nsombelu muimpe wa matuku atshilualua bua tshisumbu etshi.
Gloire Kabongo
