Kinshasa: Tshisangilu tshia mu ngondo muisatu tshia parlemantere tshidi tshienza bua ditangila dia parlemantere ne dishintuluka dia mikenji
Tshisangilu tshia ditunga ne tshia bena sénat anyi bakulumpe ba mabala mbatuadije mu Dibidi dia dikumi ni itangu ngondo muisatu eu mu Kinshasa puila manbo. Tshisangilu bu tshia pa tshibidilu tshia ngondo muisatu, tshidi tshitangila nangananga ditangila dia mbulamatadi ne dishintuluka dia mikenji.
Mu miyuki yabu ya ntuadijilu, bakokeshi ba nzubu yonso ibidi ya Parlement bakakonkonona nsombelu wa tshididi, wa bukubi, wa malu a mpetu, wa malu a bantu ne a bibidilu mu ditunga.
Mulombodi wa Tshisangilu tshia ditunga Christophe Mboso wakeleja kanyinganyinga bua dipanga dia bukubi didi ditungunuka ne kunyanga mushindu wa disungula.
Bua kutantamena lutatu lua malu a bukubi mu ditunga dia Congo, Christophe Mboso udi umanyisha malu a mpangilu a bungi adi ne mushinga wa bungi, nangananga mu malu a bukubi ne a buakane.
Pakatuadija tshisangilu tshia mu ngondo muisatu, Modeste Bahati Lukwebo, mulombodi wa bena mu Sénat wakamba ne: uvua ne kanyinganyinga bua nsombelu wa malu a bukubi udi kawuyi usankisha bantu, nsombelu wa malu a mpetu ne bipupu bia buloba.
Wakamba ne: uvua ne buôwa bua dikuluka dia mushinga wa makuta ne uvua ulomba bua kuenza malu ne lukasa. Udi wamba kabidi ne: mushinga wa makuta udi pa buloba lelu mmupite wa mu budimi bua 2023. Bilondeshile Modeste Bahati Lukwebo, bualu ebu budi bunyangakaja nsombelu wa bantu
Shekinah Gloire Kabongo
