Mu dituku dia dikumi dia ngondo wa dikumi ne muibidi, dituku didibu basekelela manême a Buntu pa buloba bujima, tshisumbu tshia balongi ba mu Iniversite wa (UPN), mu diumvuangana ne tshibambalu tshia the centre carter, bakalongolola dituku dia dikumi dia ngondo wa dikumi ne muibidi eu, diyukidilangana ne dieleshangana meji mu Iniversite wa ditunga ewu.
Tshiena-bualu tshia dituku edi tshivua ne: « Dinemeka dia manême a bantu, tshishimikidi tshinene bua matuku atshilualua mimpe ne bua bulongolodi budi kabuyi ne tshikisu ».
Mu diakula diende, Isaac Katumbayi, muena mu tshibambalu tshia the centre Carter, wakakula bikole bua tshikisu tshidibu benzela bantu bakaji, nangananga bua kuleja mushindu udi tshikisu tshia bantu bakaji tshinyanguke mu ditunga dia Congo.
Lelu ndituku dia manême a bantu pa buloba bujima, kadi ndituku dia ndekelu dia kuluisha tshikisu tshidi tshifumina ku disangila. Ke bualu kayi ngakenza tshiena-bualu etshi, bua kuleja mudi malu a tshikisu tshia bakaji ne balume mu ditunga dietu adi atutonda udi umvuija.
Muanda eu udi uleja ne: bantu bakaji ne bansongakaji 89 pa lukama badi bakengeshibua, kadi balume ne bana ba balume badi bakengeshibua anu 11 pa lukama.
Malu a bungi adi kaayi makumbane bualu ki mmakumbane to. Isaac Katumbayi udi utuambila ne: « Malu a bungi adibu bafunde adi afumina mu bibambalu bidi biambuluisha bantu badi bakenga bua tshikisu tshia mulume ne mukaji
Udi wamba kabidi ne: bantu ba bungi badibu bakengesha mu malu a dimanyangana dia mulume ne mukaji kabatu bambila bantu bualu ebu to, bualu badi batshina bua kabalu kubanyoka, badi batshina bua kabalu kubafuisha bundu mu tshisumbu, ne kabidi bua mudibu kabayi ne mushindu wa kubambuluisha. Badi bela meji ne: nansha bobu bamubanda, kabakubuela mu tshilumbu to.
Udi ujadika ne: malu a tshikisu adibu benzela bantu bakaji adi ne bua kuenzeka mu bulongame, mmumue ne: bidi bikengela kufila bintu bia bungi, makuta ne bantu bua kukandamena malu aa. Pakakulaye kudi bamanyishi ba lumu luimpe, Isaac Katumbayi wakafila mukenji wa bukole bua bakaji bua badikumbajile majinga abu, ne wakaleja kabidi mudimu udi ne bua kuenzeka mu misoko idi lelu ne ngenyi idi kayiyi mimpe bua bakaji, ngenyi idi ne bua kuikala mu bantu.
Patudi tuenza bua bantu ba muaba utudi bashale badimuke, misangu ya bungi tudi tuangata dibenga kuangata bantu bakaji ne dibenga kubangata ne mushinga bu tshintu tshia mushinga mukole. Udi wamba ne: « Bivua bikengela kushintulula lungenyi lua bantu ba muaba au bua kushintululabu mushindu uvuabu benzela bakaji malu.
Bua Marie Joséphine Tshiayikolo Tshiayikolo wakakula bua mêyi manene a manême a bukua-bantu adi bantu ba mu ditunga dia Congo kabayi bamanye lelu.
Tudi mu tshikondo tshidi bantu ba pa buloba bujima kabayi bitaba mêyi manene a manême a bantu adi alonda aa: dîyi dinene dia dienzelangana, dia bukua bantu bonso ne dia bunême bua muntu. Eu ke nshindamenu wa manême a bantu. Kakuena diumvuangana pankatshi pa dibenga kuikala ne kansungansunga ne didieyemena », ke mudiye wamba.
Tshibilu etshi tshidi tshienza bua kunemeka manême a bantu ne kuluisha tshikisu tshidi tshifumina ku bakaji mu ditunga dijima dia Congo.
Shekinah Kabongo
