Bitumba kati na polusu mpe bayekoli ya ISTA KIN elobamaki na nsima ya midi ya mercredi 7 juin 2023. Bayekoli oyo basilikaki makasi mpo na bomati ya mbongo ya kelasi oyo elobamaki bazalaki kotelemela mpe kopekisa ba mbolo mbolo ya polusu kokota na esika ya bayekoli.
N’a kobiangama na baninga na biso ya Univ7sur7.net, ebolo ya bosololi ya boyokani ya banakelsasi ya ISTA, kasi, ewanganaki n’sango oyo nionso n’a bosikisiki mpe etalisi tè ezali motuna ya bomatisi talo ya ba mbongo ya kelasi te kasi olié ya mua bozangi bososoli na ba lolenge ya koleka ba komeka oyo ya ntango.
Lisusu, Secrétaire général ya ISTA/Kin, molakisi Ilunga Mbuyamba Elisée ayebisi bakonzi ya ba eteni, balakisi na banakelasi tè ebandeli ya ba bimekano ya ntango yango oyo esengelaki kosalema mercredi oyo le 7 juin mpe ezongisami sima na lundi 12 juin mpe kaka mwana kelasi oyo futi mbongo ya kelasi nde akozua esika.
Likambo ezali sik’oyo na boyangeli, n’sango ya Secrétaire général académique mpo na kozongisa sima ba examens mpo na lundi ekoya endimami mpe epesameli n’a polele. Tosengi na banakelasi nionso bazala ekenge mpe bapesa te banguna ya éteyelo na biso bakoka kobebisa ba mateya malamu. », tokoki kotanga na lokasa officielle ya boyokani ya banakelsasi ya éteyelo oyo.
Caleb Makonda
