Mena idi imanyina mianda ya dikobolola idi manyisha disangidibwa dia bakamona kamba mudipidia dia mikenji kuluseka lwa ivu udi diba dipatuka, bobu badi batangalaja ngumu ya dishima bwa kwambulwisha bukalenga bwa Rwanda
Mena momekela mianda ya dikobolola, Patrick Muyaya udi mwela patoka ne makanda enda honsu disangidibwa disokome nyi ngenzelu wa mudimu wa bu kamonakamba mu bupidia bwa mikenji ya ditunga, mu maloba a Kongu pamwa ne tudiomba tudi twikala tutangalaja ngumu mu diambulwisha bukalenga bwa Rwanda.
Totu tudiomba etu ne bakamona kamba badi basangidibwa kuluseka lwa Bunagana ne Kishishe kupitshila kuluseka lwa Bambo, Rutshuru Centre, babwa bikala bambula mu tudiendelandela twa ntomboji ya M23 nyi majinda a Rwanda.
Patrick Muyaya udi ujula ntema ya munda ne pambelu pa ditunga dia Kongu pa tshibilu tshipiatshipia tshia dishima dia Rwanda bwa kusokoka bwenzavi bwenda ne kutunguluja majaka a dishime bena Kongu bena maloba a misoku eyi bwa kusokoka bulelela bwa dishebeya ya Kishishe kuluseka lwa Kivu udi diba dipatuka.
Mena momekela mianda ya dikobolola udi umanyisha tudiomba tudi tusangidibwa munda mwa ditunga ne pambelu se idi itshintshika mubukokeshi bwa kwenzela mishindu milondesha mikenji ya ditunga bwa kunyoka tudiomba ne bakobolodi badi badifila mudi tapakaja dia dishima dia bukalenga bwa Kigali badi benzela majadiki a bantu bakwatshibwa benzejibwa bwa kujadika bintu bia dishima batshina dilaya dia lufu.
Dikwatshishana dia ditangalaja ngumu edi pangatshi pa Rwanda ne M23 didi bujadiki bwa diambulwisha dilelela nyi kadiyi dia kuvila se bukalenga bwa Paul Kagame udi utwa ntomboji ya M23 nyama kumikolu idi mikala ijula ndululu ne ipangisha ditalala mu ditunga dia Kongu, ishipa ne inyanga mabaka aba mamu ne ba nsonga ya bitenda.
Pakujikija, mena ya dikobolola ne tudiomba idi ilesha disuminyina dia bukalenga bwa Kongu mu mudilondesha dia ntomboji idi mikala mishebeya bantu kuluseka lwa Kishishe ne Bambo ku tubadi tunene twa bukwamatunga. Bukalenga bwa ditunga dia Kongu kanwena butshoka nansha bwa dipingana dia ditalala ne bukubi bwa bantu ne bintu bulenga.
CH . K
