RDC: Patrick Muyaya ni Christophe Lutundula bakule bua Malu a mvita ku Est
Patrick Muyaya, ministre wa malu a kumanyishangana ne a bikandakanda, popamue ni Christophe Lutundula, ministre wa malu a bena ku mputu benza muyuki ne bafundi ba bikandakanda anyi ba kamuna kamba , mu dimue dia matuku dikumi ni isatu ngondo muisatu wa 2023, bua kumona mushindu udi malu a diambedi enda kumpala mu tshilumbu tshia mvita idibu benzela ditunga dia Congo.
Christophe Lutundula mu mêyi ende a ntuadijilu, waku mvuija dikumbula dia mulombodi wa ditunga dia France Emmanuel Macron ne nangananga dia tshisumbu tshia bena mu Kasumbu ka bukubi ka ditunga dia matunga masanga.
Anu yeye muine Christophe Lutundula wakamba kabidi ne:
« Tudi tuenda tuyukila bua kumona tshitudi mua kuenza pamue ne bulongolodi ba matunga masanga, bua mushindu wa kuakaja buobumue pankatshi pa bulongolodi bua matunga masanga ne ditunga dia Congo ne mushindu wa kuenza bua MONUSCO ikale mu diumvuangana ne bantu ba mu ditunga dia Congo ne bua bulongolodi bua matunga masanga bufile diandamuna ».
Wakamba ne: ditunga dia RDC ni matunga makuabu badi badisangishe bua bakula bua malu asatu a didisangisha: bua ditalala ne bukubi, bua ditalala dia malu a tshididi.
Bua bidi bitangila MONUSCO, Christophe Lutundula wakela meji bua kuakaja malu.
» Bitu bikengela kuakaja malu bua kuakaja mushindu udi MONUSCO umueneka. Kakuena mushinga wa kupeta bipeta bikala MONUSCO kayi ne bukole to_ « .
Kadi, pamutu pa Christophe Lutundula kutekemena bua Bulongolodi bua matunga masanga buenze tshishima, wakambila bantu bua kuimanyina pa dikosa dia mikenji. Wamba ne:
« Katuena mua kueyemena bulongolodi bua matunga masanga to, kadi tudi ne bua kueyemena bulongolodi bua matunga masanga_ « .
Pakakulaye, Patrick Muyaya, ministre wa malu a kumanyishangana ne a bikandakanda wakakula bua dijinga didi nadi tshimenga tshia Kinshasa bua bulelela bujadikidibue ku diambuluisha dia mudimu wa kale udi wambuluisha bua kujadika malu onso akenzeka.
« Tudi tuangata tshitupa tshietu, etshi ku bumpianyi buetu. Bualu ebu kabuena bupatula bujitu bua bena matunga a pa buloba bujima nansha kakese, bualu difika dia bena tshimuangi ba mu Rwanda ke didi dipeteshe ditunga dia Congo ntatu_ « .
Pashishe, ministre wa malu a diumvuangana ne a ngumu muakula bua tshilumbu tshia bukubi tshidi tshienda tshinyanguka bikole kupita kumpala.
» Lelu, bena Kongo badi ne bua kuikala bashindike ne: kakuena bualu bukuabu bua bukubi budibu kabayi banji kuakula bua bualu ebu to. Tudi bafike ku dimona ne: tudi bantu ba kumpala badi bapeta mushindu wa kujikija ntatu yetu », ke muvuaye mujadike.
Shekinah Gloire Kabongo
