Patrick Muyaya udi ufila tshikosu tsha ngumu ya ditunga
Mena momekela mianda ya dikobolola, Patrick Muyaya uvumwikala kumpala kua bakamona kamba kupitshila ku tshikosu tsha ngumu ya ditunga dia Kongu wa mungalata, mu matuku makumi abidi ne abidi, a ngondu wa dikumi ne umwe, tshidimu tshidi panshi etshi (mardi 22 novembre 2022).
Patrick Muyaya wa kumanyisha bwase Kavulambedi (premier ministre), Jean-Michel Sama ne bantu bonsu bavwa baleja mpala wa ditunga dia Kongu mmusangilu wa matunga masanga bwa mwakulu wa nfwalansa, bobu bavwa bikala bapidia tshindidimbi tsha diku edi dia mwakulu wa nfwalansa, kuluseka lwa Djerba,Tunisie.
Mena momekela mianda ya dikobolola, Patrick Muyaya wa Kujadika bwase, bupidia ebu budi buleja se, bena Kongu mujima kabena bitebuja ngikadilu wa ditunga dia Rwanda mudilwisha ditunga dia Kongu kupitshila ntomboji ya M23.
Pashisha, Patrick Muyaya wa kwambulula mianda mipita mmusangilu wa mena. Wakuleja se, Mfumu wa ditunga dia Kongu, Félix Antoine Tshisekedi uvwa mwakwila masungula a batumibwa (mandataire) ba bibambilu bia mbulamatadi. Félix Antoine Tshisekedi wakubalomba bwase bikale ne kuditwala kwimpa bwa bulombodi bwakane bwa mpetu ya mbulamatadi.
Mu mianda ya mubidi, Mena ya dikobolola uvwa mwakwila dishindikija ya bukalenga bua ditunga dia Kongu mubidi bitangila londopu lwa Bana mu lupitadi lwa Ngaliema.
Patrick Muyaya udi uleja se, Mfumu wa ditunga udi mwikala udifila muditangila dia ngenzelu wenda wa mudimu nyi dikumbaja dia milayi yende ku ngikadilu mwakane wa bena Kongu, kuluseka lwa mianda ya mubidi.
Patrick Muyaya wakumanyisha kadi ne muyuki udimwikala wenzeka pakatshi a Kinshasa ne Monusco bwadiumbaka dienda mu ditunga dia Kongu. Bukubi bwa bantu ne bintu kuluseka lwa Nord-Kivu buvwa bwakwidibwa.
Patrick Muyaya wakumanyisha se mena momekela mianda ya bukubi bwa bantu ne bintu, yeya uvwa mwakwila ntunguluku wa majinda a Fardc kulwila ditunga dia Kongu. Mena momekela mianda ya ngikadilu mwakane wa bantu, wakuleja se 285.000 bantu (personnes) badi bikala banyema nvita. Bukalenga bua ditunga dia Kongu budi bwikala bwangata dipangadika dia kufila mpetu bwa kwambulwisha bobu bantu aba badi mulutatu.
Patrick Muyaya mwakwila kabidi mwanda wa bukubi bwa ditunga kupitshila ku dikobolola “Lama ditunga” (Batela Ekolo) bwa kutwa majinda (Fardc) nyama ku mikolu, bwa bamona mwakulwila bujima bwa ditunga dia Kongu.
Budi bitangila ba kuluna mu Tshimenga tsha Tshinsansa (Kinshasa), Patrick Muyaya wakwambulula se, mena momekela mianda ya dikosa bilumbu udi ushindikija dilondesha dia kukosa bilumbu bwa kujikija bwenzavi ebu.
Patrick Muyaya wakuleja patoka se ndeka wa ditunga dia France uvumwikala mwikila kuluseka lwa Kisangani, munda mwenda muvwa sanganyika bantu tshitema (9). Mpulushi ya DGM ivumwela mesu munda, pashisha majinda a Fardc avwamikala mangata bulombodi bwa bobu bantu aba.
Patrick Muyaya uvwa mwakwila kabidi nsangilu udi wenzeka mu matuku makumi abidi ne asatu ngondu wa dikumi ne umwe tshidimu tshidi panshi etshi, Kuluseka lwa Nairobi ne Luanda. Mena momekela mianda ya dikobolola, udi ulaya bwadi dimanyisha nyi dikala mwa kupatuka. Patrick Muyaya udi uleja se ditunga dia Kongu didi didibweja mu mianda ya nsombelu mwimpa pangatshi pa matunga. Ditunga dia Rwanda mbimpa dinemeka mapanganyika mangata mu muyuki yonsu. Patrick Muyaya wambi se tudi baswa kumona ntomboji ya M23 yumbuka mubulaba bwa Kongu.
Bwakujikija, Mena momekela mianda ya dikobolola wa kudimusha bena Kongu bwa badilama biakane ku tshipupu tsha Corona virus.
CH.K
