RDC: ditalala dipingane mu tshimenga tshia sake tshidi mu kilometre 30 ne Goma.
Mu diumvuangana ne diosha dia nzubu ya bantu ba mu musoko wa sake udi mu kilometre mikese ne Goma, mu musoko wa Kamuronza mu tshitupa tshia Masisi, ku Nord kua kivu kudi mpindieu ditalala kuluseka eku lelu wa Dituku dia lumingu dia matuku dikumi ni ibidi ngondo muisatu . kunyima kua mvita ya bungi ivua mienzeke pankatshi pa ba salayi ba FARDC ne ba M23 badi batungunuka ne kukebesha bimvundu ku Est kua ditunga dia RDC.
Bilondeshile bantu ba bungi badi bajadika se biluilu bia ditunga dia Congo mbikokeshe bua kupingaja bena mvita kule ne Kihuli muaba kampanda wa manaya mu musoko wa Murambi, muaba udi nzubu ya ndongamu yonso idi mua kuambuluisha bantu ba ku Nord Kivu bua kuyukila bimpe.
Mu mvita ivua mienzeke makelela , bantu basatu bavua bafue, ne bakuabu banayi bavua bakenga bikole mu musoko wa Birere mu Sake mu bingoma bia M23.
Bilondeshile munganga wa mu lupitadi lua sake Afia, bantu bonso badi bafue bavua mu nzubu kampanda muaba uvua tshitudilu tshia bombe tshifumina ku mikuna ya mu M23 tshibatapile.
_ »Mu musoko au, bavua bashipe bantu babidi, munkatshi muabu muvua Siwajibu Sheba, Sifa Batende ne musalayi mukuabu uvua upitshila muaba au diende Blaise.
; badi bakenga badi: Kasiwa Sheba, Borauzima Sheba, Kambange Balume ne muntu mukuabu wa mu Nyabadeux, « _ ke mudi munganga munene wa lopitadi wa Sake Afia wamba.
Mulombodi wa tshisumbu tshia bantu ba mu Kamuronza, Muisha Busanga Léopold, udi wamba ne: mbashiye bombe mitue ku makumi abidi kudi bantomboji ba mu M23 mu tshitupa tshia bantu ba mu Sake ne Mubambiro.
Tujadika mvita mituadija kabidi mu Dia lumingu edi pabuipi ne Katembe udi mukantshi mua kilometre mipite pa 10 ku Nord-Ouest kua tshisumbu tshia sake mu provense wa Nord Kivu.
Shekinah Gloire Kabongo
