Mfumu wa ditunga udi ujinga kupesha kabadi kakulu ka dilumbuluisha miaba ya mudimu idi mua kukambuluisha bua kukumbajaye mudimu wende wa kulumbuluisha mikenji ya ditunga bimpe. Mudimu eu uvua wenzeka ne makuta a mbulamatadi wa ditunga dia Congo (bungi buawu 65%) ne a kudi Programe wa bulongolodi bua matunga masanga bua didiunda (bungi buawu 35%) ne uvua ne bua kuenza ngondo mitue ku 8 anyi 10.
Nzubu eu udi mu muaba udi njila ya Kauka ne Kalume misambakaja, mu quartier Royal, mu tshimenga tshia La Gombe. Tshimanu etshi netshikale tshienza bu piramide tshienza ne tshiamu tshia mpolondo tshia Nyiragongo. ⁇ Pakasungulabu nzubu eu, tuvua basue kutumbisha muaba udi buloba buenza ne mikuna mu ditunga dietu ne kuleja mudi mapangadika a Kabadi ka manême a bantu ka mu ditunga adi masunguluke. ⁇
Muakuidi munene Dieudonné Kamuleta, mulombodi wa Kabadi ka malu a ditunga, wakela Mfumu wa ditunga tuasakidila bua mushindu uvuaye muambuluishe bua kuibaka nzubu eu.
Kabadi ka malu a ditunga ka mu ditunga dia Congo kadi ku mutu kua mbulamatadi ya ditunga dia congo pamue ne Kabadi ka malu a mikenji ne Kabadi ka malu a mbulamatadi. Bu muvua Kabadi kakulu ka manême a bantu kapanduluke panyima pa dikudimuna dia mbulamatadi wa dilumbuluisha, kabadi aka kadi ne bukokeshi bua kulumbuluisha bilondeshile mikenji ya ditunga ne mapangadika aka kaena mua kushintuluka to. Anu Kabadi aka ke kadi mua kulumbuluisha Mfumu wa ditunga ne wa mbulamatadi.
Shekinah Gloire kabongo
