Mu dia matuku dikumi ngondo wa muanda mukulu ewu wa tshidimu tshia 2023, ministre kabulambedi wa malu a ngumu ne muleji mpala Wa ditunga dia Congo ki yeye Patrick Muyaya uvua muyukile ne bena mudimu ba ku tshisangi tshia ditunga mu tshisangilu tshia bena ku kabadi ka RTNC mu biro biende. Kipatshila kavua bua bakonkonone mudimu uvua muezeke mu manaya a IX a Francophonie.
Bilondeshile Floribert Loboto, wa ku RTNC udi wamba ne: dikonkonona edi didi mua kuambuluisha bua kuakaja malu mu matuku atshilualua.
“Panyima pa Manaya a Francophonie, bivua bimpe bua tuetu kuya kumonangana nende bua kumona malu avua menzeke. Nuvua bamone ne: RTNC uvua ne manaya a bungi, uvua wenza mudimu muimpe be! Mfumu wa malu a tshididi uvua mutubikile bua kumona tshivua tshienzeke ne bua tshinyi katuvua mua kutungunuka anu nanku to“, ke mudi Floribert Luboto, muena mu PCA umvuija.
Kunyima kua manaya a Francophonie, ntshinyi tshitudi mua kuenza bua kutungunuka ne RTNC? Bua tuetu kushala anu mu njila wa muomumue anyi?
DGA Voto mmumvuije bualu ebu budi buimpe.
“Anu munudi bamanye, tshidimu tshia 2023 tshivua tshidimu tshinene bua tshibambalu tshia televizion tshia ditunga. Tuakatuadija tshidimu ne difika dia Pape. Bualu ebu buakenzeka kabidi mu bulongolodi bua Francophonie butuvua bafike ku dijikija matuku mashale aa. Kadi kudi ne lutatu lunene lutudi ne bua kutantamena: mushindu wa kuenza masungula. Ke bualu kayi tudi ne mushindu wa kutangila malu akadi menzeke ne kumona mushindu utudi mua kuakaja bua kujikija tshidimu etshi ne masungula mimpe bua diakalenga dia bena Congo“, ke mudi Mukokeshi munene wa RTNC muambe.
Bua ministre Muyaya uvua yeye muakula bua malu adibu benza mu biro bia RTNC bia mu provense.
“Bisanji bia mudimu bia mu provense bidi bienda bivula, ne bikuabu bidi bienda bipiabipia. Buloba bua RDC budi bunene bua dikema. Muanda eu udi utangila bibambalu bitue ku 30 ne ku diambuluisha dia mbulamatadi, tudi tubanga kuwenza ku kakese ku kakese.’
Bena mu kasumbu kavua ministre Patrick Muyaya mupete bavua balombola kudi: Floribert Loboto wa mu PCA, Sylvie Elenge wa mu DG ne Dieunit Kanyinda ne Pie Gerard Elenga.
Nushale kumanya ne: RTNC tshisanji tshia bakelenge ba ditunga dia congo ,uvua utangila malu a manaya aa mu mushindu muimpe munkatshi mua matuku dikumi avua manaya aa menzeke ni bena Congo bonso bavua basanka bua kumona bindindimbi bimpe ni bisheme bivua tshisanji etshi tshileja ni bela tuasakidila kudi Mfumu Wa ditunga Félix ni Mukalenge mukaji Sylvie Elenge bua mushindu udiyi ulombola bena mudimu bonso ni udifila bua kunkumbaja dijinga dia nfumu Wa ditunga ni bukalenge buende.
Shekinah Gloire kabongo
