Mills TSHIBANGU, mumanyishi munene wa malu a makebulula mu ditunga dia Congo, wakaya mu biro bia Conseil Supérieur de l’Audiovisuel (CSAC) mu dia 19 ngondo wa 7 wa 2024 bua kuandamuna ku dibikila dia kudibu bua malu adibu bamubanda nawu bua dipanga dia lumu lua Mukebuludi munene wa malu a mpetu.
Kadi pakafikaye, kakuvua muntu nansha umue wa ku bantu bavua bamubikile uvua mushale bua kumuteleja to. Mills TSHIBANGU wakakula bua muyuki wende wa ndekelu mu tshikandakanda tshia Kinoise, muvuaye muakule bua Mulombodi wa mudimu, Mukebuludi munene wa malu a mpetu, kadi ki ng’Mukebuludi munene wa malu a mpetu to, bualu ebu ke buvua bufikishe ku dibanda edi.
TSHIBANGU udi ulomba bena mu Kinshasa, nangananga bamamu ne balume, bua balue kumulonda kumpala kua balumbuluishi bua kutshimuna mvita eyi. Pashishe wakambila kabidi Mukebuludi munene wa malu a mpetu bua kuyabu nende ku tubadi bua kujadika ne: kavua ne bualu.
Mills TSHIBANGU wakalomba diambuluisha kudi Mukokeshi wa ditunga bua kuambula makuta adibu bakuate kudi bimue bisumbu pamue ne tshibambalu tshia malu a mpetu (Inspection Générale des Finances).udi ulaya ne: mu matuku adi alua, nebakule bikole bua bualu ebu.
Shekinah gloire Kabongo
