Mu dituku dia disambombo dia matuku abidi ngondo wa tshimungu wa mashika mu Université pédagogique nationale (UPN) nebikale ne bualu bua mushinga mukole mu malu adi atangila makebulula menza kudi mulongi André Mushongo muikale « Chef de travaux » bua bakaya kumikalayi. Ne muya kuenza bionso ebi mu tshibambalu tshia malu a ngumu ne a diyukidilangana anu mu université pédagogique nationale.
Tshiena-bualu tshia dikebulula edi tshidi ne mushinga wa bungi mu malu a ngumu ya mu ditunga dia Congo tshidi ne tshiena-bualu etshi: « Bienzedi bia dikosa dia mishiku mu bikandakanda bia mu ditunga dia Congo, difila dia malu a mu nsombelu bua kuikala ne bikadilu bilenga kudi ba manyishi ba ngumu »
Balongi, bamanyishi ne bena tshididi babikidibue bua kunvua Malu adi mulongi eu ne tshia kuambe mikale atangila malu adi anyanga dinemekila dia Malu a buneme bua bikandakanda bia mu ditunga dia Congo wa mungalata
Mukantshi mua dikuatshisha dia makebulula ende , André Mushongo muikale kabidi tshipuita munuafuaka nea leja mudi malu a mpetu, malu a tshididi ne bilele bikuabu bibi bidi bikale mu mukantshi mua bikandakanda bia mu Congo wa mungalata bishipa meyi ne mikandu bia mu ditunga, nea nfila pashishe ngenyi ya mushindu wa kujikija lutatu elu malu a nsombelu mu tshibambalu tshia malu a ngumu.
KBG
